أخر المستجدات
الرئيسية » أدب الكتاب » على دلعونا شعر على الشافعي
على دلعونا شعر على الشافعي

على دلعونا شعر على الشافعي

على دلعونا شعر على الشافعي
على لحن الدبكة المشهورة في الفن الشعبي الفلسطيني
على دلعونا وعلى دلعونـــــا بلادي محلاها من غير كرونا
***
دَشّرْتِ الصين وجاية لعنا الله يخفيك شو بدك منـــــــا
بدعو ل الله يبعدك عنــــا ويجعل ايامك اقصر ما يكونا
***
يللي وقّفتِ الدنيا عاجريهـــــــا شو اللي خطر لك تا تعمليها
ما خفت جيوش الغرب وايديها خليت العالم كلــــــه مسجونا
***
ترامب بينفخ مشغــــول البال وجنسون بالعزل قاعد طوّالي
وماكرون ينادي بالصوت العالي دخلك يا ميركل تعو الحقونا
***
نادى الايطالي عالاتحـــــــــاد وين القرايب اهلي لَاجواد
احنا انسجنا بهالانفـــــرادي بدنا همتكم تا تخرجونـــــا
***
والله يا كرونا ما انت قليلـــــة شرّبتِ النّتن من نفس الكيلة
طق من الحبس من اول ليلة ياما في ترابه ببمرمغونـــــا
***
ياللي دخلت ع بلادي صدفة عودي ع بلادك خلاص بكفي
والله احترنا عا شو بتصفي صارت حياتنا بايدك مرهونا
***
عمان تـــــأكد والشام بنتفي ولبنان بتصرخ مش عم بنكفي
واللي بقولوا دخل متخفي بضربة تسلل من برشلونــــــا
***
قال العراقي حصنا لحـــــدود وجهزنا المونة وعمرنا البارود
هذي بلدنا عرين الاســـــــود باتت عصية عاليدخلونــــــــــــا
***
بتقول لك ستي هاي الملعونة بدها ملعقة زيت الزيتون
وان ما نفعتها عصرة ليمونه او كاسة مغلي بذر الينسونا
***
ياللي كوِيتِ قلبي بسيجارة ودُرتِ وراي من حارة لحارة
ما ظل ببيتي قمعــــة خيارة والله في عــــون ال بيدخنون
***
وتقول كرونا احنا البسكوت واللي يقربنا نسقيه الموت
لَوِ بْنِنـْــــزل لـــه بالبرشوت ما بفلت منا اسمر اللونا
***
على دلعونا وعلى دلعونــــــا يكفينا شرك يا هالكرونا
والله اللي فينا نحنا مكفينــــا زمي بلواك ويلاّ من هونا

L’image contient peut-être : 1 personne

 

 

عن samera mahasen

إلى الأعلى