أخر المستجدات
الرئيسية » أدب الكتاب » قصيدة الأم ….للشاعر عمر الفرا
قصيدة الأم ….للشاعر عمر الفرا

قصيدة الأم ….للشاعر عمر الفرا

قصيدة الأم للشاعر عمر الفراFB_IMG_1558038998939.

حملتك
جوّا جوّا حشاي
تسع تشهر
وانت جار القلب
جيران
اعز جيران..
احب جيران ..
تسع تشهر
وانت تكبر
وانا اكبر
واحس الدنيا من حولي غدت تكبر
تسع تشهر
اقوم الليل .. نص الليل
اصحى من الفجر ادعي
الهي .. لا تخيبني
الهي..لا تعذبني
الهي .. ارأف ابحالي
الهي .. ابعث الغالي
أربِّيه .. ابدمع عيني
وحق اسمك..
يا كل بنذرلـ الله
تسع تشهر
بحياتي ما شفت اطول عليًّ من تسع تشهر
واشوفك بالحلم
اشوفك بالحلم تمشي
على روحي
على رمشي
اشوفك تحمل ابنعشي
اشوفك .. تقرأ بكتابك
اشوفك .. سيد اصحابك
اشوفك .. جاي تتمختر
مثل عنتر
لا.. مو مثل عنتر
انت احلى .. وانت اكبر
انت مثل القمر لما بنص ايامو يتدور
انت لما يدب الصوت تخلى الدنياتتمسمر
واصحى .. من حلم غالي
على لمسة عطف منك
احس ابلملمه منك
على روحي تداعبني
اطير من الفرح لمّـــا
على روحي تداعبني
تدري اشلون؟؟
ما ادري ايش اصورها
رهن مني ولا راجل يحس بنشوة الحامل
يحس ابرعشة الحامل
حين اللي جنين القلب يتململ و لا راجل
خطر لي الليله
ابعث لك حنين امك
حنين اللي سرا دمها بشرايينك
واصبح يعتبر دمك
عسك انك…
تخبرني عن اخبارك
اخفف ع البعد همّك
لو ان بيدي .. زرعت اللهفه بعيونك
عســــاك اتفكر ابأمّك
تعايمي
دخيل اعيونك الحلوه تعايمي
ذبحني الشوق..
احب عينك .. احب روحك..احب قلبك..
تعايمي
تراني الليله .. مشتاقه
مثل ما ضيّعت ناقه
ابنها .. وتبكي لفراقه
بنهايتها لكل واحد
عشق عينك تحياتي
وحين اللي انتهينا من كتابتها
خذت مني رسالتها
ضمتها على الجنبين
باستها ..ورمتها برا يا خذها هبوب الريح
وقالت : الليله توصلوّ
وبكت وتنهدت صاحت
وحين اللي غدت غابت
قالوا لي جميع الناس
مسكينه مضت ..
هالعمر عاقرولا حبلت ولا جابت
……….
عمر الفرا شاعر سوري ولد في تدمر ودرس فيها وفي مدينة حمص.
الوفاة: 21 يونيو 2015

عن SAAMEA TRABISHI

إلى الأعلى