أخر المستجدات
الرئيسية » أدب الكتاب » مين اللى قالك عايز ابيع
مين اللى قالك عايز ابيع

مين اللى قالك عايز ابيع

بقلم محمد البلاط

مين اللى قالك عايز ابيع
ببساطه ليه حقى يضيع
انا ابنها ومنها وكنت لها الطفل الرضيع
انا اللى دمه مهرها وحنيت بيه ارضها
ببساطه جاى تهدها وتقول عليا عدوها
هو انت فاكر انها مش عارفه لون جلدها
مش عارفه مين اللى اتفطم ومين اللى لسه فى صدرها
يا ابن الجيران شوفلك مكان امى واولى بحضنها
وكفايه لعبك على الكمان فيه ناس هتاكل بطنها
عايشين فى خيرها وظلها اخوات بتضرب بعضها
واخر النهار طبليه واحده تلمهم
ما شفتش غم وبهدله الا اما جيتوا وسطهم
فرق تسود فكر زرعتوه فى قلبها
ببساطه جاى تهدها وتقول عليا عدوها
انا ابنها ومنها وكنت لها الطفل الرضيع
انا اللى دمه مهرها وحنيت بيه ارضها
مين اللى قالك عايز ابيع

عن salma alzwi

إلى الأعلى