أخر المستجدات
الرئيسية » أدب الكتاب » قصيدة عويل
قصيدة عويل

قصيدة عويل

 

بقلم/الشاعر مصطفى عبد المجيد

من صغرى أبويا علمنى
أكون شهم وأصيل
أحمى بلدى بروحى ودمى
وأبقا لأخويا سلسبيل
وأقتل الحقد بضحكتى
وأبقى شمعه تضوى الليل
وأهزم المِحن بالصبر
وأنسى الأسى بالمواويل
وإن عشقت وصابني الهوا
أكون راسى وتقيل
وعشان احقق حلمى
اشتغل نهار وليل
بس فجأه مات أبويا
وأكتشفت انى عويل
البلد مقلوبه يابا
والشهم عايش ذليل
الشغل والتعب والعرق
بضاعة اصبحت هلاهيل
كل حاجه ماشيه فى بلدنا
بنفاق ورياء وتطبيل
=============

عن salma alzwi

إلى الأعلى