أخر المستجدات
الرئيسية » أدب الكتاب » شقاوة العٌجز.. بقلم .. احمد التركى
شقاوة العٌجز.. بقلم .. احمد التركى

شقاوة العٌجز.. بقلم .. احمد التركى

شعر عامية ( شقاوة العٌجز ) دويتو بين ثلاث رجال عٌجز وعجوزة
العجوز الاول
ياجميل ياللى بتمشى تخلى الارض بترقص تحتيك
كلمنى وأيه رأيك قولى … لو تسمح اتعرف بيك
راح اجيلك بيتك وهودك … ولا انت خلاص حدش قدك
ولا حدش راح يملى عنيك …
هى
انت ياللى بتمشى ورايا .. ماتقولى حكايتك بقى ايه
هو انت فاكرنى من اياهم … وكلامك هتأثر بيه
لا يابابا دانت فى دور جدى . وانا عارفة ان محدش أدى
وكلامك ولا هسأل فيه …
العجوز الثانى
طيب وانا أيه رأيك فيا … انا واد حبوب كلى شباب
كل الستات دابو فى عنيا . بس انا دايما قافل الباب
دانا ياما دوبت بنات … والماضى مليان حكايات
بس القلب بحبك تاب …
هى
انت ياللى عاملى مقطع السمكة وديلها ف موضوع
دانت ياراجل لو تتمطع .. راح تلقى دراعك مخلوع
بتقولى عيونك جبارة .. طب خبى ودارى النضارة
ولا انت ف روحك مخدوع ..
العجوز الثالث
اسمعى بقى راح اقولك ايه . انا راجل ورياضى خطير
ولعبت مصارعة وكاراتيه … واخدت العالم مشاوير
سمونى بالنجم العالى . وكتيرهم كان بيقولهالى
وياما كتبوا عليا الاساطير …
هى
دا انت بتمشى ياشيخ بالعافية ليه تكدب دا الكدب حرام
طب دا انت عشان ترجع بيتكم … محتاجلك اربع تيام
بتقولى انك كنت رياضى . طب دا انا وحياتك لو قاضى
حكمى عليك ليكون اعدام …

عن ADEL ALKHATEB

إلى الأعلى