أخر المستجدات
سافرى

سافرى

بقلم/حمد العليمى

سافرى مع كل اوجاعنا
وماتنسيش تقطعى راسنا
اللى بقت خاويه وبلا معنى
ولاتنسى تحطى فى عيونا
شوية ملح تدمعها
وترجع تكحلها و تلمعها
وتصورها فى صوره
حلوه ليها معنى وتجمعنا
لحد مايجى يوم بنشتاقله
ويكون بكر ويخلصنا
ويكون محدش لمسه
قبل البدر ابو سما صافيه
ومنور على راسنا
المحفوره فى تراثنا
ونشوف بيه امنيه خجلانه
ويا صحبه ناس شقيانه
وبلاش تظهرى تانى فى
يوم الصبح وانتى عريانه
على غلاف مجله او
فضائيه مسمومه وتعبانه
واصلك ماهوش بيعيبنا
ولا فتنه تزل انفاسنا
وتأسرنا و تخرصنا
ولا كان فى الاصل
جسم لست تعبانه
انما فكره سهرانه
وبتستنى وتتمنى
نسيم طاهر وهيا
حيرانه وحرانه
وبتقاوح وندمانه
وتندهلى من وسط
اصحابى وهيا زعلانه
وتوشوشنى وهيا خجلانه
وتسالنى اعمل ايه
فى الاكل لضيوفك
وانا واحده غلبانه
واشاور لها على
حصاله مقام مولانا
وعيونها ترد وهيا حيرانه
وبتقولى بتقصد ايه
اكون سارقه وندمانه؟
ولا عايزنى اعمل ايه
ما كفانا نخون احلامنا
السهرانه على ترعة
ومستنيه العيش ويا شوية
ملح فى ارض عطشانه
وازاى نخون العهد
واحنا صنا الوعد فى صبانا
وقومت من حلمى وانا فرحان
ان بنت افكارى
لسه اصيله وفرحانه
=============

عن salma alzwi

إلى الأعلى